काठमाडौं। अर्थ मन्त्रालयले आर्थिक वर्ष २०८३/८४ देखि सञ्चालनमा ल्याएको करदाता प्रोत्साहन उपहार कार्यक्रम अन्तर्गत भदौ महिनाको विजेताको नाम सार्वजनिक गरेको छ। सो कार्यक्रममा प्रधानमन्त्री राहत कोषमा १ हजार रुपैयाँ योगदान गर्ने एक जना ग्राहकले १ लाख रुपैयाँ पुरस्कार प्राप्त गरेका छन्।
विभागका अनुसार कुपन नम्बर ०४२६१८४७७६२० भएका ती ग्राहक विजेता घोषित भएका हुन्। सामान्यतया १५-१५ दिनमा सञ्चालन हुने यो प्रोत्साहन कार्यक्रम भदौ १० गते गएको विनाशकारी बाढीका कारण १६ गते हुन सकेको थिएन। सोही कारण यस पटक मासिक रूपमा विजेता सार्वजनिक गरिएको विभागले जनाएको छ।
विभागले भदौ महिनाका लागि १ लाख रुपैयाँ पुरस्कार पाउने ३१ जना र २ जना बम्पर विजेता गरी कुल ३३ जनाको नाम आज सार्वजनिक गरेको छ।
