काठमाडौं – चालु आर्थिक वर्षको १० महिना वैशाखसम्म लघु जीवन बीमकले झन्डै १ अर्ब रुपैयाँको व्यापार भित्र्याएका छन्।
नेपाल बीमा प्राधिकरणले आज सार्वजनिक गरेको तथ्यांकअनुसार ३ वटा लघु जीवन बीमकले १५ लाख ७८ हजार ६५१ वटा बीमालेख जारी गरेर ९८ करोड २६ लाख रुपैयाँबराबरको कुल बीमाशुल्क आर्जन गरेका हुन्।
वैशाखसम्म सबैभन्दा धेरै व्यापार भित्र्याउनेमा गार्डियन माइक्रो लाइफ रहेको छ। यो कम्पनीले १० लाख ६० हजार ८३२ वटा बीमालेख जारी गरेर ३७ करोड ३६ लाख रुपैयाँबराबरको कुल बीमाशुल्क आर्जन गरेको छ।
दोस्रो धेरै व्यापार भित्र्याउनेमा क्रेस्ट माइक्रो लाइफ रहेको छ। यो कम्पनीले वैशाखसम्म ३ लाख ८८ हजार ९१० वटा बीमालेख बिक्री गरेर ३६ करोड २३ लाख रुपैयाँ कुल बीमाशुल्क आर्जन गरेको छ।
यसैगरी वैशाखसम्म लिबर्टी माइक्रोले १ लाख २८ हजार ९०९ बीमालेख बिक्री गरेर २४ करोड ६६ लाख रुपैयाँ कुल बीमाशुल्क आर्जन गरेको छ।
