मुस्ताङ। हिन्दू तथा बौद्ध धर्मावलम्बीहरूको महत्वपूर्ण तीर्थस्थल मुक्तिनाथ मन्दिरमा दर्शनका लागि आउने तीर्थालुहरूलाई लक्षित गरी डोली र घोडाको व्यवस्था गरिएको छ।
समुद्री सतहबाट ३ हजार ६१० मिटरको उचाइमा अवस्थित यस मन्दिरमा पुग्न नसक्ने वृद्धवृद्धा र अशक्त तीर्थालुहरूलाई रानीपौवा बसपार्कबाट मन्दिरसम्म पुर्याउन यो सुविधा उपलब्ध गराइएको हो।
मुक्तिनाथको प्रवेशद्वार मानिने रानीपौवादेखि मन्दिरसम्मको दूरी पैदल हिँड्न कठिनाइ हुने तीर्थालुहरूले तोकिएको शुल्क तिरेर डोली वा घोडाको माध्यमबाट मन्दिरसम्म पुग्ने गरेका छन्। उच्च हिमाली क्षेत्रमा रहेको मन्दिरमा दर्शन गर्न बर्सेनि हजारौँ भारतीय तीर्थालुहरू आउने गर्दछन्।
