काठमाडौँ। नेपाल आयल निगमले पेट्रोलियम पदार्थको खुद्रा बिक्री मूल्य यथावत् राख्ने निर्णय गरेको छ।
इन्डियन आयल कर्पोरेसन (आईओसी)बाट नयाँ खरिद मूल्य प्राप्त भए पनि चाडपर्व र उपभोक्ताको हितलाई ध्यानमा राख्दै मूल्य वृद्धि नगर्ने निर्णय गरिएको निगमले जनाएको छ।
मूल्य यथावत् राखेसँगै काठमाडौँ, पोखरा र दिपायलमा पेट्रोल, डिजेल तथा मट्टितेल प्रतिलिटर २०० रुपैयाँ र एलपी ग्यास प्रतिसिलिन्डर २ हजार ६० रुपैयाँ कायम भएको छ।
निगमका अनुसार अन्तर्राष्ट्रिय बजारमा मूल्य उतारचढाव भइरहे पनि पुरानै मूल्य कायम गर्दा पाक्षिक रूपमा करिब ३ अर्ब २१ करोड ४२ लाख रुपैयाँ घाटा हुनेछ।
