काठमाडौं । ग्लोबल आइएमई बैंकले बैंकिङ सेवालाई थप प्रविधिमैत्री र सरल बनाउने उद्देश्यका साथ युवाहरूलाई लक्षित गर्दै ‘ग्लोबल नेक्स्ट जेन अकाउन्ट’ सञ्चालनमा ल्याएको छ ।
पछिल्लो समय प्रविधिको बढ्दो प्रयोगसँगै बैंकले ग्राहकहरूको सुविधालाई मध्यनजर गर्दै बैंकको कार्यालयसम्म धाउनुपर्ने बाध्यतालाई अन्त्य गरिदिएको छ । अब ग्राहकहरूले आफ्नै घर वा कार्यस्थलबाट डिजिटल माध्यमको प्रयोग गरी सहजै बैंक खाता खोल्न सक्नेछन् ।
विशेषगरी आधुनिक र डिजिटल प्रविधिमा रुचि राख्ने युवा पुस्तालाई लक्षित गरी ल्याइएको यस खाताको सबैभन्दा ठुलो विशेषता भनेकै भौतिक रूपमा बैंक उपस्थित हुनु नपर्ने सुविधा हो ।
यदि ग्राहकसँग राष्ट्रिय परिचयपत्र (नेशनल आइडी) वा राहदानी (पासपोर्ट) उपलब्ध छ भने संसारको जुनसुकै कुनाबाट पनि सजिलै ग्लोबल आइएमई बैंकमा आफ्नो खाता खोल्न सकिन्छ । यसले गर्दा बैंक जाने समय र कागजी प्रक्रियाको झन्झटलाई पूर्ण रूपमा हटाएको छ ।
यस खाताका लागि अनलाइनमार्फत आवेदन दिएको केही समयमै खाता सक्रिय हुनेछ र ग्राहकले तत्कालै आफ्नो कारोबार सुरु गर्न सक्नेछन् । खाता खोल्ने बित्तिकै आफ्नै मोबाइलबाट मोबाइल बैंकिङ सुविधा पनि सहजै सञ्चालन गर्न सकिने व्यवस्था मिलाइएको छ । युवाहरूलाई डिजिटल बैंकिङतर्फ थप प्रोत्साहित गर्न बैंकले यस खाता अन्तर्गत पहिलो वर्ष मोबाइल बैंकिङ सेवा पूर्ण रूपमा निःशुल्क उपलब्ध गराएको छ, जसले गर्दा ग्राहकलाई थप आर्थिक लाभ पुग्ने देखिन्छ ।
आर्थिक भार कम गर्ने र बचत गर्ने बानीलाई प्रोत्साहन गर्ने उद्देश्यले यस ‘ग्लोबल नेक्स्ट जेन अकाउन्ट’ मा न्यूनतम मौज्दात राख्नुपर्ने अनिवार्य व्यवस्था गरिएको छैन । ग्राहकले शून्य ब्यालेन्समै आफ्नो खाता सञ्चालन गर्न पाउनेछन्, जुन विद्यार्थी र युवाहरूका लागि अत्यन्तै उपयुक्त रहेको छ ।
बैंकले यस बचत खातामा आकर्षक ब्याजदर समेत प्रदान गर्ने सुनिश्चित गरेको बैंकले जनाएको छ, जसले गर्दा थोरै बचतमा पनि राम्रो प्रतिफल प्राप्त गर्न सकिनेछ ।
तत्काल खाता सञ्चालन हुने, निःशुल्क मोबाइल बैंकिङ पाइने र आकर्षक ब्याजदर समेत पाइने भएपछि अब बैंकको लाइनमा बस्नुपर्ने बाध्यता हटेको छ । त्यसैले, आजै आफ्नो मोबाइलबाट ‘ग्लोबल नेक्स्ट जेन अकाउन्ट’ खोली स्मार्ट र डिजिटल बैंकिङको नयाँ अनुभव लिन सकिने बैंकले जनाएको छ ।
