काठमाडौं । काठमाडौैंको भृकुटीमण्डपमा सम्पन्न नाइमा नेपाल मोबिलिटी एक्स्पो २०२६ मा चेरी वान्डाका विद्युतीय व्यावसायिक सवारीसाधनले ग्राहकको उल्लेख्य आकर्षण पाएका छन् । एक्स्पो अवधिमा चेरी वान्डाका विभिन्न मोडलमा सयौँको संख्यामा बुकिङ भएको कम्पनीले जनाएको छ ।
‘मेहेनती हातको विश्वासिलो साथ’ नारासहित सहभागी चेरी वान्डाले एक्स्पो अवधिभर ग्राहकका लागि बिना धितो हायर पर्चेज सुविधा उपलब्ध गराएको थियो । कम्पनीका अनुसार यस सुविधाले विशेषगरी व्यावसायिक प्रयोजनका लागि विद्युतीय सवारी खरिद गर्न चाहने ग्राहकलाई सहज बनाएको छ ।
चेरी वान्डाका विद्युतीय सवारी मन्टेश्वरी स्कुल, होटल, ट्राभल एजेन्सीलगायत विभिन्न व्यावसायिक प्रयोजनका लागि लक्षित छन् । एक्स्पोमा मन्टेश्वरी स्कुल सञ्चालकहरूले ११ र १२ सिटर मोडलमा विशेष रुचि देखाएका थिए भने होटल तथा ट्राभल एजेन्सी व्यवसायीको आकर्षण १६ सिटर विद्युतीय सवारीमा देखिएको कम्पनीले जनाएको छ ।
नाइमा एक्स्पोको हल ‘डी’ स्थित स्टल नम्बर १६ मा चेरी वान्डाका ११, १२, १४ र १६ सिट क्षमताका विद्युतीय व्यावसायिक सवारी प्रदर्शनमा राखिएका थिए ।
कुन मोडलमा कति बुकिङ भयो भन्ने छुट्टाछुट्टै विवरण सार्वजनिक नगरे पनि समग्रमा उल्लेख्य बुकिङसँगै ग्राहकबाट उत्साहजनक प्रतिक्रिया प्राप्त भएको कम्पनीको दाबी छ ।
एक्स्पोमा चेरी वान्डाको स्टलमा पुगेर सवारीसाधनको अवलोकन, जानकारी तथा बुकिङ गर्ने ग्राहक, व्यवसायी र शुभेच्छुकलाई आधिकारिक बिक्रेता जगदम्बा मोटर्स प्रालिले धन्यवाद व्यक्त गरेको छ ।
जगदम्बा मोटर्सले आगामी दिनमा ग्राहकको आवश्यकता र अपेक्षाअनुसार गुणस्तरीय तथा भरपर्दो विद्युतीय व्यावसायिक सवारी उपलब्ध गराउँदै जाने प्रतिबद्धता जनाएको छ
