काठमाडौं । एमजी मोटरको नेपालका लागि आधिकारिक वितरक पारामाउण्ट मोटर्स नेपालले दशैं तथा छठ लक्षित चाडपर्व अफर सार्वजनिक गरेको छ। ‘ड्राइभ मोर, सेलिब्रेट मोर’ नाम दिइएको अफरअन्तर्गत एमजीका विभिन्न मोडलका नयाँ गाडी खरिद गर्दा ग्राहकले ३ लाख रुपैयाँसम्म बचत गर्न सक्नेछन्।
असोज ६ गतेदेखि छठ पर्वसम्म लागू हुने योजनामा ग्राहकले निःशुल्क अटो प्लस इन्स्योरेन्स, निःशुल्क रोड ट्याक्स, इजी एक्सचेन्ज र इजी फाइनान्सजस्ता सुविधा पाउने कम्पनीले जनाएको छ।
अफरमा एमजी एचएस पीएचईभी तथा एचईभी, एमजी यू९ ईभी, एमजी आईएम६, एमजीएस६ ईभी, एमजीएस५ ईभी र एमजीफोरलगायतका मोडल समावेश छन्।
कम्पनीका अनुसार हालै नेपाली बजारमा सार्वजनिक गरिएको एमजी एचएस पीएचईभी तथा एचईभीमा हाइब्रिड प्रविधिसँगै प्रिमियम कम्फर्ट र प्रदर्शनको सुविधा छ। एमजी यू९ ईभी ४ ह्विल ड्राइभसहितको इलेक्ट्रिक पिकअप हो।
एमजीएस६ ईभीमा १८० किलोवाटको मोटर, रियर ह्विल ड्राइभ, इन्डिपेन्डेन्ट रियर सस्पेन्सन र ५३० किलोमिटरसम्मको रेन्ज रहेको कम्पनीले जनाएको छ।
त्यस्तै, एमजीएस५ ईभी ४३ लाख ९९ हजार रुपैयाँदेखि उपलब्ध रहेको छ। रियर ह्विल ड्राइभ र इन्डिपेन्डेन्ट रियर सस्पेन्सनसहितको यो मोडललाई कम्पनीले आफ्नो सेग्मेन्टमा आकर्षक विकल्पका रूपमा प्रस्तुत गरेको छ।
कम्पनीका अनुसार अफरमार्फत ग्राहकले आफ्नो आवश्यकता र रुचीअनुसार विभिन्न हाइब्रिड तथा विद्युतीय मोडलमध्ये उपयुक्त गाडी छनोट गर्न सक्नेछन्।
