काठमाडौं। सामसङ नेपालले दशैं र तिहारलाई लक्षित गर्दै स्मार्ट अपग्रेड घरमा, लक्की सरप्राइज चाडमा अभियान सार्वजनिक गरेको छ।

यो अफर सेप्टेम्बर २० देखि नोभेम्बर १६, २०२६ सम्म सञ्चालन हुनेछ।

अभियानअन्तर्गत सामसङका टिभी, रेफ्रिजेरेटर, वासिङ मेसिन वा एसी खरिद गर्ने ग्राहकले क्यासब्याक, पक्का उपहार तथा लक्की ड्रमा सहभागी हुने अवसर पाउनेछन्। लक्की ड्रमा सहभागी हुन ग्राहकले उत्पादनको पछाडि रहेको १४ अंकको सिरियल नम्बर प्रयोग गरी Samsung [सिरियल नम्बर] लेखेर ३७२७३ मा एसएमएस पठाउनुपर्नेछ। दैनिक ३१ जना विजेता छनोट गरिने कम्पनीले जनाएको छ। विजेताको घोषणा हरेक बुधबार इमेज च्यानलको म्युजिक अफ योर च्वाइस कार्यक्रममार्फत गरिनेछ।

अफरमा टिभीमा २६ प्रतिशतसम्म, रेफ्रिजेरेटरमा २१ प्रतिशतसम्म र वासिङ मेसिनमा १८ प्रतिशतसम्म क्यासब्याक पाइनेछ। साथै, रेफ्रिजेरेटरमा ५ हजार रुपैयाँसम्म र वासिङ मेसिनमा ३ हजार रुपैयाँसम्म एक्सचेन्ज बोनस उपलब्ध छ। केही टिभी मोडलमा निःशुल्क साउन्डबार र १२ महिनाको नेटटिभी प्याकेज तथा केही वासिङ मेसिनमा ६ केजी सर्फ एक्सेल म्याटिक डिटर्जेन्ट निःशुल्क पाइनेछ।

ग्राहकले हुलास फिनसर्भ हायर पर्चेजमार्फत सामसङ इन्स्टा फाइनान्स प्रयोग गरी १२ वा २४ महिनाको किस्ताबन्दी योजनामा सामान खरिद गर्न सक्नेछन्। पुराना उपकरणहरू अर्कोस्टोर वा नेपालभरका आधिकारिक सामसङ रिटेल स्टोरमार्फत एक्सचेन्ज गर्न सकिने व्यवस्था छ।