काठमाडौं । शिवम् सिमेन्टको खुद नाफा गत आर्थिक वर्ष २०८२/८३ मा घटेको छ। कम्पनीले सार्वजनिक गरेको अपरिष्कृत वित्तीय विवरणअनुसार गत आवमा ७८ करोड ४४ लाख ७४ हजार रुपैयाँ खुद नाफा आर्जन गरेको छ। अघिल्लो आवमा कम्पनीको खुद नाफा ७९ करोड ८१ लाख ८६ हजार रुपैयाँ थियो। यसअनुसार कम्पनीको नाफा १.७२ प्रतिशतले घटेको हो।
कम्पनीको नाफामा आएको दबाबको मुख्य कारण सञ्चालन आम्दानीमा भएको कमी देखिएको छ। गत आवमा शिवम् सिमेन्टको सञ्चालन आम्दानी ६ अर्ब ९२ करोड २६ लाख ५७ हजार रुपैयाँ रहेको छ। अघिल्लो आवमा यस्तो आम्दानी ७ अर्ब ७६ करोड ६५ लाख ७६ हजार रुपैयाँ थियो।
एक वर्षमा कम्पनीको सञ्चालन आम्दानी ८४ करोडभन्दा बढीले घटेको छ। आम्दानी घटेपछि कुल नाफामा पनि दबाब परेको छ। अघिल्लो आवमा १ अर्ब ७२ करोड ६७ लाख ४४ हजार रुपैयाँ रहेको कुल नाफा गत आवमा घटेर १ अर्ब ५९ करोड ७५ लाख ११ हजार रुपैयाँमा झरेको छ।
कम्पनीको कस्ट अफ सेल्स पनि घटेको छ। गत आवमा यस्तो खर्च ५ अर्ब ३२ करोड ५१ लाख ४६ हजार रुपैयाँ रहेको छ। अघिल्लो आवमा कस्ट अफ सेल्स ६ अर्ब ३ करोड ९८ लाख ३२ हजार रुपैयाँ थियो।
शिवम् सिमेन्टको अन्य आम्दानीमा पनि सामान्य कमी आएको छ। गत आवमा अन्य आम्दानी १३ करोड ३२ लाख १३ हजार रुपैयाँ रहेको छ। अघिल्लो आवमा यस्तो आम्दानी १३ करोड ७४ लाख ५६ हजार रुपैयाँ थियो।
कम्पनीको प्रशासनिक खर्च गत आवमा २६ करोड ६० लाख ८९ हजार रुपैयाँ रहेको छ। बिक्री तथा वितरण खर्च ५३ करोड ११ लाख १५ हजार रुपैयाँ पुगेको छ। कम्पनीको कुल खर्च ८० करोड ८१ लाख रुपैयाँ रहेको छ।
अघिल्लो आवमा कम्पनीको प्रशासनिक खर्च २६ करोड ७१ लाख ९ हजार रुपैयाँ, बिक्री तथा वितरण खर्च ६५ करोड ५३ लाख ५४ हजार रुपैयाँ र कुल खर्च ९३ करोड १६ लाख ४० हजार रुपैयाँ रहेको थियो।
शिवम् सिमेन्टको चुक्ता पुँजी ५ अर्ब ५९ करोड ३२ लाख २८ हजार रुपैयाँ रहेको छ। कम्पनीको अन्य इक्विटी ४ अर्ब ९६ करोड ४३ लाख ३७ हजार रुपैयाँ रहेको छ।
वित्तीय विवरणअनुसार कम्पनीको प्रतिसेयर आम्दानी १४.०३ रुपैयाँ रहेको छ भने प्रतिसेयर नेटवर्थ १८८.७६ रुपैयाँ कायम भएको छ।
समग्रमा सञ्चालन आम्दानीमा आएको गिरावटले शिवम् सिमेन्टको नाफामा दबाब परेको देखिन्छ। यद्यपि कम्पनीको कस्ट अफ सेल्स तथा बिक्री वितरण खर्च घटेकाले खर्च व्यवस्थापनतर्फ भने केही सुधार देखिएको छ। कम्पनीको अन्तिम वित्तीय अवस्था लेखापरीक्षणपछि थप स्पष्ट हुनेछ।
