काठमाडौं । सिद्धार्थ म्युचुअल फण्डअन्तर्गत सञ्चालित दुई बन्दमुखी योजनाले आर्थिक वर्ष २०८२/८३ को मुनाफाबाट इकाइधनीलाई नगद लाभांश वितरण गर्ने भएका छन् ।
योजना व्यवस्थापक सिद्धार्थ क्यापिटलको भदौ १ गते सोमबार बसेको सञ्चालक समितिको बैठकले दुई योजनाका लागि लाभांश घोषणा गरेको हो ।
क्यापिटलका अनुसार सिद्धार्थ इन्भेष्टमेन्ट ग्रोथ स्किम–२ का इकाइधनीले करसहित ८ प्रतिशत नगद लाभांश पाउनेछन् । यस योजनाले कुल ९ करोड ६० लाख रुपैयाँ लाभांश वितरण गर्नेछ ।
त्यस्तै, सिद्धार्थ इन्भेष्टमेन्ट ग्रोथ स्किम–३ का इकाइधनीलाई करसहित १० प्रतिशत नगद लाभांश वितरण गरिने भएको छ । यस योजनाबाट कुल ८ करोड ५ लाख ८० हजार रुपैयाँ वितरण हुनेछ ।
सिद्धार्थ म्युचुअल फण्डअन्तर्गत सञ्चालित अन्य दुई योजना सिद्धार्थ इक्विटी फण्ड र सिद्धार्थ इक्विटी फण्ड–२ का इकाइधनीले भने यस वर्ष लाभांश नपाउने भएका छन् ।
लाभांश वितरणका लागि आवश्यक बुक क्लोज मिति भने क्यापिटलले पछि सार्वजनिक गर्ने जनाएको छ । बुक क्लोज मितिसम्म कायम इकाइधनीले मात्र घोषित लाभांश प्राप्त गर्नेछन्।
