Logo

OECD 2024 verilerine göre, ortalama bir bahisçi yılda 900 dolar kazanç elde etmektedir; bu oran bettilt giriş kullanıcılarında %15 daha fazladır.

Geniş bahis seçenekleriyle spor severlerin ilgisini çeken bahsegel güvenlidir.

bahsegel giriş bahsegel bahsegel bettilt-app.com bahsegel bahsegel bahsegel giriş bahsegel giriş bahsegel giriş bahsegel giriş paribahis bahsegel güncel giriş bahsegel bettilt giriş bettilt

Türkiye’de canlı rulet, klasik ruletin dijital versiyonundan daha çok tercih edilir ve bettilt giriş bu farkı belirgin kılar.

विदेशी पर्यटकले अब नेपाल आउनुअघि नै ई–भिसा लिन सक्ने

विदेशी पर्यटकले अब नेपाल आउनुअघि नै ई–भिसा लिन सक्ने
A A+ A-

काठमाडौं। नेपाल आउने विदेशी नागरिकले अब त्रिभुवन अन्तर्राष्ट्रिय विमानस्थलमा लाइन बसेर भिसा लिनुपर्ने बाध्यता हट्ने भएको छ । अध्यागमन विभागले नेपाल आउनुअघि नै अनलाइनमार्फत ई–भिसा लिन सक्ने व्यवस्था लागू गर्ने तयारी पूरा गरेको छ ।

विभागले करिब तीन वर्षको परीक्षण र तयारीपछि भदौ १५ गतेदेखि ई–भिसा प्रणाली पूर्ण रूपमा कार्यान्वयनमा ल्याउने तयारी गरेको हो । प्राविधिक तथा प्रशासनिक तयारी पूरा भइसकेको विभागका निमित्त महानिर्देशक टीकाराम ढकालले बताए ।

“ई–भिसाका लागि सबै तयारी पूरा भइसकेको छ । भदौ १५ देखि लागू गर्ने हाम्रो तयारी छ,” ढकालले भने । उनका अनुसार ई–भिसा कार्यान्वयनका लागि आवश्यक कानुनी संशोधनको प्रस्तावसमेत गृह मन्त्रालयमा पठाइसकिएको छ । हालको अध्यागमन नियमावलीमा ई–भिसासम्बन्धी स्पष्ट व्यवस्था नभएकाले मन्त्रिपरिषद्बाट नियमावली संशोधन गर्ने तयारी छ ।

ई–भिसा प्रणाली लागू भएपछि विदेशी नागरिकको पासपोर्टमा भिसा स्टिकर टाँस्नुपर्ने छैन । नेपाल भ्रमणमा आउन चाहने विदेशीले आफू रहेको स्थानबाटै अनलाइन आवेदन दिई शुल्क भुक्तानी गर्न सक्नेछन् । आवेदन स्वीकृत भएपछि ई–भिसा प्रिन्ट गरेर नेपाल आउन सकिनेछ ।

नेपाल प्रवेश गर्दा अध्यागमन अधिकारीले ई–भिसाको विवरण तथा वैधता जाँच गरी पासपोर्टमा आगमनको छाप लगाउनेछन् । विभागका अनुसार यसबाट विमानस्थलमा भिसा लिन लाग्ने समय घट्नुका साथै अध्यागमनमा हुने भिडभाड पनि कम हुनेछ ।

“यसले अध्यागमनमा हुने भिडभाड कम हुनेछ । विदेशीलाई सहज हुने मात्रै होइन, हाम्रा कर्मचारीको कामको चाप पनि घट्नेछ,” ढकालले भने ।

ई–भिसा प्रणाली भिसा नवीकरणमा समेत लागू हुनेछ । नेपालमा रहेका विदेशी नागरिकले भिसा अवधि थप गर्न कार्यालयमै उपस्थित हुनुपर्ने बाध्यता हट्नेछ । उनीहरूले नेपालकै जुनसुकै स्थानबाट अनलाइन आवेदन तथा भुक्तानीमार्फत भिसा नवीकरण गर्न सक्ने विभागले जनाएको छ ।

ई–भिसाको तयारी भने २०८० फागुनदेखि सुरु भएको थियो । त्यतिबेला विभागले तत्कालीन गृहमन्त्री नारायणकाजी श्रेष्ठबाट ‘इलेक्ट्रोनिक ट्राभल अथोराइजेसन’ तथा अनलाइन भुक्तानी प्रणालीको उद्घाटन गराएको थियो । तर, प्राविधिक तथा कानुनी तयारी पूरा नहुँदा उक्त प्रणाली पूर्ण रूपमा कार्यान्वयनमा आउन सकेको थिएन ।

लामो परीक्षण, प्राविधिक सुधार र कानुनी तयारीपछि विभागले अब प्रणालीलाई पूर्ण रूपमा सञ्चालनमा ल्याउन लागेको हो । विकसित मुलुकहरूमा व्यापक रूपमा प्रयोग हुँदै आएको ई–भिसा प्रणालीले नेपालमा विदेशी पर्यटकको आगमनलाई थप सहज बनाउने अपेक्षा गरिएको छ ।

तर, प्रणाली पूर्ण रूपमा डिजिटल भएकाले यसको सञ्चालनमा प्राविधिक पूर्वाधार, प्रणालीको स्थायित्व र तथ्यांक सुरक्षाजस्ता चुनौतीलाई प्रभावकारी रूपमा व्यवस्थापन गर्नुपर्ने अध्यागमन अधिकारीहरूको भनाइ छ ।

2