काठमाडौं । टोयोटा नेपालले नेपालीहरूको प्रमुख पर्व दशैंलाई लक्षित गर्दै ‘टोयोटा विजय उत्सव’ सञ्चालन गर्ने भएको छ। कम्पनीका अनुसार उत्सव भोलि अगस्ट २४ देखि दशैंसम्म सञ्चालन हुनेछ।
‘टोयोटा विजय उत्सव’ अन्तर्गत ग्राहकले टोयोटाका विभिन्न मोडल खरिदमा विशेष छुट तथा आकर्षक अफर प्राप्त गर्न सक्ने कम्पनीले जनाएको छ।
नाइमा अटो शो २०२६ का क्रममा उपलब्ध विशेष अफर लिन छुटेका ग्राहकलाई लक्षित गर्दै कम्पनीले यो अभियान ल्याएको हो। अटो शोमा सहभागी हुन नसकेका तथा त्यतिबेला गाडी बुकिङ गर्न नपाएका ग्राहकले पनि दशैंको अवसरमा टोयोटाका गाडी खरिद गर्दा विशेष लाभ लिन सक्ने कम्पनीको भनाइ छ।
दशैंको उत्साहसँग जोडेर ग्राहकलाई नयाँ गाडीमार्फत नयाँ यात्रा सुरु गर्ने अवसर प्रदान गर्ने उद्देश्यले अभियान सञ्चालन गर्न लागिएको टोयोटा नेपालले जनाएको छ।
कम्पनीले ‘नाइमा अटो शोमा छुटेको अवसर अब फेरि तपाईंको नजिक’ भन्ने भावनासहित अभियान अघि बढाएको छ। दशैंसम्म सञ्चालन हुने अभियानमा टोयोटाका विभिन्न मोडलमा आकर्षक अफर उपलब्ध हुने कम्पनीले जनाएको छ।
टोयोटा नेपालले अभियान अवधिमा ग्राहकलाई नजिकको आधिकारिक डिलरमा सम्पर्क गरी उपलब्ध अफरबारे जानकारी लिन आग्रह गरेको छ।
