काठमाडौं। रोयल एवान इन्भेस्टमेन्ट प्रालिले बाढीपहिरो प्रभावितको राहत तथा पुनःस्थापनाका लागि प्रधानमन्त्री दैवी प्रकोप उद्धार कोषमा ५ लाख ५५ हजार ५५५ रुपैयाँ सहयोग गरेको छ। त्रिशूली, भोटेकोशी, रसुवा र नुवाकोट क्षेत्रमा आएको बाढीपहिरोबाट प्रभावित परिवारलाई सहयोग पुर्याउने उद्देश्यले उक्त रकम प्रदान गरिएको हो।
कम्पनीका अध्यक्ष हरिबहादुर श्रेष्ठ (नविन) नेतृत्वको टोलीले सिंहदरबारस्थित अर्थ मन्त्रालयमा पुगी अर्थमन्त्री स्वर्णिम वाग्लेलाई सो रकम हस्तान्तरण गरेको हो। उक्त रकम कम्पनीका शाखा कार्यालय, सञ्चालक समिति, सेयर सदस्य, कर्मचारी तथा शुभेच्छुकबाट संकलन गरिएको कम्पनीले जनाएको छ। बाढीपहिरो प्रभावित परिवारको दुःखमा ऐक्यबद्धता जनाउँदै राहत कार्यमा योगदान पुर्याउन सहयोग गरिएको कम्पनीको भनाइ छ।
