काठमाडौं: बाक्लो असिनासहितको वर्षाका कारण त्रिभुवन अन्तर्राष्ट्रिय विमानस्थलको धावनमार्ग बन्द गरिएको छ। दिउँसो २ बजेदेखि परेको असिनाका कारण धावनमार्ग र ट्याक्सी वे क्षेत्रमा बाक्लो हिउँ जमेको विमानस्थल कार्यालयले जनाएको छ।
असिना जमेर धावनमार्ग चिप्लो भएपछि विमानस्थलबाट हुने उडान तथा अवतरण प्रभावित भएका छन्। हाल धावनमार्गमा जमेको असिना पन्छाउने कार्य भइरहेको छ।
