काठमाडौँ। नेपाली बजारमा सुनको मूल्यमा आज (मंगलबार) उल्लेख्य वृद्धि भएको छ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोलामा ३ हजार पाँच सय रुपैयाँले बढेर ३ लाख ५ हजार चार सय रुपैयाँ पुगेको छ। अघिल्लो दिन सोमबार सुनको मूल्य प्रतितोला ३ लाख १ हजार ९ सय रुपैयाँमा कारोबार भएको थियो।
त्यस्तै, चाँदीको मूल्य पनि आज बढेको छ। महासंघका अनुसार आज चाँदीको मूल्य प्रतितोलामा एक सय रुपैयाँले बढेर ४ हजार ७ सय ९० रुपैयाँमा कारोबार भइरहेको छ। अघिल्लो दिन प्रतितोला ४ हजार ६ सय ९० रुपैयाँमा कारोबार भएको थियो।
