काठमाडौं। सेयरबजारमा बिहीबार पनि गिरावट आएको छ। नेपाल स्टक एक्सचेन्जका अनुसार नेप्से परिसूचक १३.८५ अंकले घटेर २५३१.५५ विन्दुमा कायम भएको छ।
यस दिन कुल ४ अर्ब रुपैयाँ बराबरको सेयर कारोबार भएको छ। बजारमा ६७ कम्पनीको सेयर मूल्य बढ्दा २०० कम्पनीको मूल्य घटेको छ भने ११ कम्पनीको मूल्य स्थिर रहेको छ।
कारोबारमा लिबर्टी इनर्जी लिमिटेडको मूल्य १५ प्रतिशतले बढेको छ भने अन्य कम्पनीको मूल्य ८.२२ प्रतिशतसम्मले वृद्धि भएको छ। यस्तै सिन्धु पावर र प्रभु सेलेक्ट फन्डको सेयर मूल्य क्रमशः १४.९८ प्रतिशत र १०.२२ प्रतिशतले घटेको छ। बजारमा अन्य कम्पनीको मूल्य ९.३० प्रतिशतसम्मले घटेको नेप्सेले जनाएको छ।
बिहीबार लिबर्टी इनर्जी लिमिटेडको ४५ करोड रुपैयाँ बराबरको सर्वाधिक कारोबार भएको छ।
