काठमाडौं। नवनियुक्त उद्योग, वाणिज्य तथा आपूर्तिमन्त्री दीपककुमार साहले पद तथा गोपनीयताको शपथ लिएका छन्। बिहीबार राष्ट्रपति भवन शीतल निवासमा आयोजित विशेष समारोहमा राष्ट्रपति रामचन्द्र पौडेलले उनलाई शपथ खुवाएका हुन्।
साह गत फागुन २१ गते सम्पन्न निर्वाचनमा सुनसरी-४ बाट निर्वाचित भएका थिए। ग्यास अभावको विषयलाई लिएर गौरीकुमारी यादवले मन्त्री पदबाट राजीनामा दिएपछि प्रधानमन्त्री वालेन्द्र शाहको सिफारिशमा राष्ट्रपति पौडेलले साहलाई मन्त्री नियुक्त गरेका हुन्।
शपथ ग्रहण समारोहमा उपराष्ट्रपति रामसहायप्रसाद यादव, प्रधानमन्त्री वालेन्द्र शाह, सभामुख डोलप्रसाद अर्याल, राष्ट्रिय सभाका अध्यक्ष नारायणप्रसाद दाहाल र प्रधानन्यायाधीश डा. मनोजकुमार शर्मालगायतका उच्च पदस्थ अधिकारीहरूको उपस्थिति रहेको थियो।
