काठमाडौं। नेपालका लागि टीभीएस दुईपांग्रे सवारीसाधनको आधिकारिक वितरक जगदम्बा मोटर्स प्रालिले दशैं लक्षित ‘टीभीएस गोल्डेन की’ योजना सार्वजनिक गरेको छ। चाडपर्वलाई थप उत्साहपूर्ण बनाउने उद्देश्यले ल्याइएको यस योजनाअन्तर्गत ग्राहकले टीभीएसका मोटरसाइकल वा स्कुटर खरिद गर्दा निश्चित पुरस्कार प्राप्त गर्नेछन्।
कम्पनीका अनुसार योजनामा सहभागी हुने ग्राहकले १० लाख रुपैयाँसम्मको नगद छुट, गोल्डेन की वा खरिद मूल्यको १०० प्रतिशतसम्म क्यासब्याक मध्ये कुनै एक पुरस्कार पाउनेछन्। हरेक खरिदमा निश्चित उपहारको व्यवस्था गरिएको कम्पनीले जनाएको छ।
यसका साथै दैनिक लक्की ड्रमार्फत हरेक दिन दुई जना ग्राहकले ५ वर्षसम्मको निःशुल्क सर्भिस जित्ने अवसर पनि प्राप्त गर्नेछन्। यस सुविधाले ग्राहकलाई सवारीसाधन खरिदपछि दीर्घकालीन सेवाको थप लाभ मिल्ने कम्पनीको विश्वास छ।
