काठमाडौं। नेपाल शैक्षिक परामर्श सङ्घ (इक्यान) झापाले रसुवाका बाढी प्रभावितहरूका लागि १० लाख रुपैयाँ सहयोग गरेको छ।
इक्यान झापाको सामाजिक उत्तरदायित्व (सीएसआर) समितिको पहलमा संस्थाका सदस्य तथा पदाधिकारीहरूबाट उक्त रकम सङ्कलन गरिएको हो। सङ्कलित रकम प्रधानमन्त्री दैवी प्रकोप उद्धार कोषमा जम्मा गरिएको छ।
संस्थाका उपाध्यक्ष अशोक भण्डारीका अनुसार सो रकमको चेक कोशी प्रदेशका मुख्यमन्त्री हिक्मतकुमार कार्की, झापाका प्रमुख जिल्ला अधिकारी श्रवणकुमार पोख्रेल र जिल्ला प्रहरी कार्यालय झापाका प्रमुख प्रहरी उपरीक्षक वसुन्धरा खड्कालाई संयुक्त रूपमा हस्तान्तरण गरिएको हो।
