काठमाडौँ। नेपाली बजारमा बिहीबार सुनचाँदीको मूल्य घटेको छ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोलामा ३ हजार दुई सय रुपैयाँले घटेर २ लाख ९९ हजार एक सय रूपैयाँमा किनबेच भइरहेको छ। अघिल्लो दिन बुधबार सुनको मूल्य प्रतितोला ३ लाख २ हजार तिन सय रूपैयाँमा कारोबार भएको थियो।
त्यस्तै, आज चाँदीको मूल्य पनि घटेको छ। महासंघका अनुसार आज चाँदीको मूल्य प्रतितोलामा १६५ रुपैयाँ घटेर ४ हजार ६ सय ५० रूपैयाँमा किनबेच भइरहेको छ। अघिल्लो दिन बुधबार चाँदीको मूल्य प्रतितोला ४ हजार ८ सय १५ रूपैयाँमा कारोबार भएको थियो।
