काठमाडौं। दशैं, तिहार र छठ पर्वलाई लक्षित गर्दै नेपालका लागि होण्डा कारको आधिकारिक वितरक स्याकार ट्रेडिङ कम्पनीले ‘फेस्टिभ अफर होण्डाको सफर’ नामक नयाँ योजना सार्वजनिक गरेको छ।
कम्पनीले ग्राहकहरूको चाडपर्वलाई थप खुसीयालीपूर्ण बनाउने उद्देश्यले यो अफर ल्याएको हो।
योजना अन्तर्गत ग्राहकले नयाँ होण्डा कार खरिद गर्दा १० लाख रुपैयाँसम्म नगद छुट पाउन सक्नेछन्। साथै, कम्पनीले एक आर्थिक वर्षका लागि सडक कर र पूर्ण बीमा निःशुल्क उपलब्ध गराउने जनाएको छ। ग्राहकलाई थप सुविधा प्रदान गर्न ५ वर्षसम्म निःशुल्क सर्भिसिङ र १ वर्षको निःशुल्क सडक सहायताको व्यवस्था पनि गरिएको छ।
पुरानो गाडी साटेर नयाँ होण्डा कार लिन चाहने ग्राहकका लागि कम्पनीले अन-द-स्पट एक्सचेन्ज सुविधा र आकर्षक एक्सचेन्ज बोनसको व्यवस्था गरेको छ।
नयाँ गाडी खरिदलाई थप सहज बनाउन स्याकार हायर पर्चेज र एनआईसी एसिया बैंकसँगको सहकार्यमा कम ब्याजदरमा फाइनान्सिङ सुविधा पनि उपलब्ध गराइएको छ। यो योजना शुक्रबारदेखि सुरु भई छठ पर्वसम्म देशभरका होण्डा कार शोरुमहरूमा लागू हुने कम्पनीले जनाएको छ।
