काठमाडौं। मौसम पूर्वानुमान महाशाखाले देशका हिमाली र पहाडी क्षेत्रका केही स्थानमा हल्का वर्षा र हिमपातको सम्भावना रहेको जनाएको छ।
महाशाखाका अनुसार तराईका अधिकांश भू-भागमा भने मौसम मुख्यतया सफा रहनेछ। बुधबार दिउँसो हिमाली क्षेत्रका साथै बागमती, गण्डकी र लुम्बिनी प्रदेशका पहाडी भू-भागका एक-दुई स्थानमा हल्का वर्षा र हिमपातको सम्भावना छ।
रातिको समयमा कर्णाली र सुदूरपश्चिम प्रदेशका हिमाली भू-भागका केही स्थानमा हल्का वर्षा र हिमपात हुन सक्ने अनुमान गरिएको छ।
बिहीबारको पूर्वानुमानअनुसार गण्डकी, लुम्बिनी, कर्णाली र सुदूरपश्चिम प्रदेशका हिमाली तथा पहाडी भू-भागका थोरै स्थानमा वर्षा र हिमपातको सम्भावना छ।
साथै, कोशी र बागमती प्रदेशका हिमाली तथा पहाडी क्षेत्रका एक-दुई स्थानमा मेघगर्जन र चट्याङसहित मध्यम वर्षा तथा हिमपात हुन सक्ने महाशाखाले जनाएको छ।
