काठमाडौं – शेयर बजार सोमबार उच्च अंकले घटेको छ। नेप्से परिसूचक २७.९० अंकले घटेर २८२२.४६ को विन्दुमा बन्द भएको हो।
बजार घट्दा नेप्से उपसमूहमा रहेका २ वटा समूह बढेका छन् भने ११ वटा घटेका छन्। यो दिन अन्य समूह सर्वाधिक ०.३१ प्रतिशतले बढ्दा लघुवित्त समूह सर्वाधिक २.३५ प्रतिशतले घटेको छ।
आज बजारमा ३० वटा कम्पनीको शेयरभाउ बढेको छ। यो २२० वटा कम्पनीको शेयरभाउ घटेको छ।
यो दिन बजारमा करिब सवा १० अर्ब रुपैयाँको कारोबार भएको छ। गत बिहीबारको तुलनामा कारोबार रकम बढेको छ। सर्वाधिक कारोबार शिवम सिमेन्टको ५३ करोड ८८ लाख रुपैयाँको भएको छ।
बजारमा आज रिभर फल्स पावरका शेयरधनीहरु मालामाल भएका छन्। यो कम्पनीको शेयरभाउ करिब १० प्रतिशतले बढेर सकारात्मक लागेको छ। कम्पनीको शेयरभाउ ३६.८७ रुपैयाँले बढेर ४०६.१० रुपैयाँ कायम भएको छ।
यो दिन उन्नति सहकार्य लघुवित्तका शेयरधनीहरुले सर्वाधिक गुमाए। यो कम्पनीको शेयरभाउ करिब ८ प्रतिशतले घटेको छ। शेयरभाउ १८५.७४ रुपैयाँले घटेर २२४६.२८ रुपैयाँमा झरेको छ।
