Logo

OECD 2024 verilerine göre, ortalama bir bahisçi yılda 900 dolar kazanç elde etmektedir; bu oran bettilt giriş kullanıcılarında %15 daha fazladır.

Geniş bahis seçenekleriyle spor severlerin ilgisini çeken bahsegel güvenlidir.

bahsegel giriş bahsegel bahsegel bettilt-app.com bahsegel bahsegel bahsegel giriş bahsegel giriş bahsegel giriş bahsegel giriş paribahis bahsegel güncel giriş bahsegel bettilt giriş bettilt

Türkiye’de canlı rulet, klasik ruletin dijital versiyonundan daha çok tercih edilir ve bettilt giriş bu farkı belirgin kılar.

जेनजी आन्दोलनमा आगजनी भएको वर्णवास होटल अक्टोबरभित्र पुनः सञ्चालनमा आउने

जेनजी आन्दोलनमा आगजनी भएको वर्णवास होटल अक्टोबरभित्र पुनः सञ्चालनमा आउने
A A+ A-

काठमाडौँ। जेनजी आन्दोलनका क्रममा आगजनी र तोडफोडबाट क्षतिग्रस्त काठमाडौँको बालुवाटारस्थित पाँचतारे लक्जरी बुटिक हेरिटेज होटल ‘वर्णवास म्युजियम होटल’ आगामी अक्टोबरभित्र पुनः सञ्चालनमा आउने भएको छ ।

आन्दोलनपछि पूर्ण रूपमा बन्द भएको होटलको पुनर्निर्माण तथा रेनोभेसनको काम अहिले भइरहेको र अक्टोबरभित्र सञ्चालनमा ल्याउने तयारी गरिएको सञ्चालक राजेन्द्र बजगाईंले बताउनुभयो ।

२०८२ भदौ २३ र २४ गते भएको जेनजी आन्दोलनका क्रममा होटलमा तोडफोडपछि आगजनी भएको थियो । स्थानीयको सहयोगमा आगो तत्काल नियन्त्रणमा लिइएकाले भवन पूर्ण रूपमा जलेर ध्वस्त हुनबाट जोगिएको थियो । तर आगजनीपछिको बीमा प्रक्रिया लामो हुँदा पुनर्निर्माणमा समय लागेको बजगाईंले बताउनुभयो ।

उहाँका अनुसार होटलको भौतिक क्षति मात्रै ३० देखि ३५ करोड रुपैयाँ बराबर भएको प्रारम्भिक अनुमान छ । पुनर्निर्माणको काम जारी रहेकाले वास्तविक खर्च भने अझै यकिन भइसकेको छैन । होटल करिब एक वर्ष बन्द हुँदा व्यवसायिक क्षति ३० करोड रुपैयाँभन्दा बढी भएको उहाँले बताउनुभयो ।

दुई रोपनी क्षेत्रफलमा फैलिएको वर्णवास होटल २०८० माघदेखि सञ्चालनमा आएको थियो । नक्साल र बालुवाटारको बीचमा रहेको होटललाई संग्रहालयसहितको सांस्कृतिक होटलका रूपमा विकास गरिएको छ ।

साढे नौ तलाको होटललाई नेपालको हिमाल, पहाड र तराई झल्काउने तीन तहमा विभाजन गरिएको छ । तीनै तहमा विभिन्न आदिवासी तथा समुदायका रहनसहन, संस्कृति, कला र परम्परा झल्काउने सामग्री राखिएका छन् ।

सञ्चालक बजगाईंका अनुसार होटलको अवधारणा पर्यटकलाई बस्ने सुविधा दिनमा मात्र सीमित छैन । नेपाली संस्कृति, कला, हस्तकला, खानपान, संगीत, जात्रा–पर्व र जीवनशैलीलाई एउटै अनुभवमार्फत विश्वसामु चिनाउने उद्देश्यले ‘वर्णवास म्युजियम होटल’ निर्माण गरिएको हो ।

“पर्यटक नेपाल हेर्न मात्र होइन, नेपाली संस्कृति र जीवनशैलीलाई नजिकबाट अनुभव गर्न आउने वातावरण बनाउन खोजिएको हो,” बजगाईंले भन्नुभयो ।

होटलका कोठा ३४ देखि ४० वर्गमिटरसम्मका छन् भने सबैभन्दा ठूलो कोठा ६० वर्गमिटरको छ । प्रत्येक तलामा एउटा–एउटा ठूला कोठा रहेका छन् । भवनको माथिल्लो भागलाई सगरमाथाको आकृतिमा डिजाइन गरिएको छ ।

होटलमा प्रवेश गर्नेबित्तिकै काठमाडौँ उपत्यका तथा नेवारी संस्कृतिसँग सम्बन्धित कला र सामग्री देख्न सकिने बजगाईंले बताउनुभयो ।

उहाँका अनुसार नेपालले विश्वस्तरीय होटल पूर्वाधारसँगै अन्यत्र नपाइने मौलिक नेपाली अनुभव विकास गर्न सके पर्यटनलाई रोजगारी, विदेशी मुद्रा आर्जन र अन्तर्राष्ट्रिय पहिचानको प्रमुख आधार बनाउन सकिन्छ । त्यसका लागि दीर्घकालीन राष्ट्रिय रणनीति र दूरदर्शी नेतृत्व आवश्यक रहेको उहाँको भनाइ छ ।

2