काठमाडौँ– रसुवाको भोटेकोशी नदीमा बुधबार बिहान एक्कासि भीषण बाढी आएको छ। रसुवाका प्रमुख जिल्ला अधिकारी नरेन्द्र परियारका अनुसार बिहान सवा ९ बजेतिर नदीमा ठूलो बाढी आएको हो।
बाढीबाट भएको क्षतिको विवरण भने अहिलेसम्म प्राप्त हुन सकेको छैन। उनका अनुसार तिब्बततर्फबाट ठूलो बाढी आएको जानकारी प्राप्त भएको छ।
बाढीको जोखिमलाई ध्यानमा राख्दै बाढी पूर्वानुमान महाशाखाले त्रिशूली नदीको तटीय क्षेत्रमा मुग्लिनसम्म उच्च सतर्कता अपनाउन आग्रह गरेको छ। नदी आसपासका बासिन्दालाई सुरक्षित रहन र आवश्यक सावधानी अपनाउन प्रशासनले अनुरोध गरेको छ।
भिडियोः सामाजिक सञ्जाल
