काठमाडौँ – एनआईसी एशिया बैंक लिमिटेडको कर्पोरेट कार्यालय कमलादी स्थित आफ्नै भवनमा स्थानान्तरण भएको छ ।
नवनिर्मित भवनमा पूजा अर्चना गरि बैंक सञ्चालक समितिका अध्यक्ष तुलसीराम अग्रवालबाट उद्घाटन सम्पन्न भएको हो । उक्त उद्घाटन समारोहमा बैंक सञ्चालक समितिका सदस्यह, प्रमुख कार्यकारी अधिकृत तथा बैंकका उच्चपदस्थ अधिकारीको उपस्थिति रहेको थियो ।
नेपाल राष्ट्र बैंकबाट स्वीकृत प्राप्त गरी यस अघि रहेको थापाथलीस्थिति ट्रेड टावरबाट प्रमुख कार्यकारी अधिकृतको कार्यालय, अन्य कार्यकारी अधिकृतहरुको कार्यालय लगायत विभिन्न विभागहरु आफ्ना सम्पूर्ण सेवा तथा सुविधाहरु कमलादीस्थित कर्पोरेट कार्यालयबाट प्रदान गर्ने गरी कर्पोरेट कार्यालय स्थानान्तरण भएको हो ।
