काठमाडौं । भोटेकोशी बाढी विपद्का लागि छिमेकी राष्ट्र भारतबाट छैठौं र सातौं चरणको राहत सामग्री यहाँ आइपुगेको छ।
नेपालको राहत प्रयासमा भारतको सहयोग निरन्तर जारी छ। सोहीअनुसार बिहीबार राति छैठौं र सातौं चरणका राहत सामग्रीसहितका उडान काठमाडौं आइपुगेको यहाँस्थित भारतीय दूतावासले जनाएको छ।
राहत सामग्रीमा ‘फरेन्सिक किट’ र चिकित्सकीयसहित २१.५ टन राहत सामग्री रहेका छन्। उक्त सामग्री नेपाललाई हस्तान्तरण गरिएको छ, जसले जारी नेपाली राहत तथा उद्धार प्रयासलाई थप सुदृढ बनाउन र भोटेकोशी बाढीबाट प्रभावित समुदायलाई सहयोग गर्न मद्दत गर्नेछ।
