काठमाडौं। भीषण बाढीका कारण रसुवागढी सडकखण्ड अवरुद्ध भएपछि नेपालका लागि ओमोडा र जेइकुको आधिकारिक वितरक एसपीजी अटोमोबाइल्स प्रा.लि.ले मुस्ताङस्थित उत्तरी कोरला नाका हुँदै नयाँ गाडीहरू भित्र्याएको छ। ग्राहकलाई तोकिएकै समयमा गाडी उपलब्ध गराउन वैकल्पिक मार्ग प्रयोग गरी गाडीहरू देशभर वितरणका लागि पठाइएको कम्पनीले जनाएको छ।
हालै सम्पन्न ‘नाइमा मोबिलिटी एक्स्पो’ तथा ‘नाडा अटो शो २०२६’ मा ओमोडा र जेइकुका गाडीप्रति उच्च आकर्षण देखिएको थियो। सोही बुकिङअनुसार गाडीहरू देशभरका डिलरहरूमा पुगिसकेकाले ग्राहकलाई छिट्टै हस्तान्तरण गरिने कम्पनीले उल्लेख गरेको छ।
कम्पनीका अनुसार ‘ओमोडा ई फाइभ’ र ‘ई फाइभ प्रो’ मा १९१ एमएम ग्राउन्ड क्लियरेन्स, इलेक्ट्रिक सनरुफ, लेभल २.५ एडास, भेन्टिलेटेड, हिटेड तथा मसाज सिटजस्ता सुविधा रहेका छन्। त्यस्तै, ‘जेइकु जे फाइभ’ र ‘जे फाइभ प्रो’ मा १८५ एमएम ग्राउन्ड क्लियरेन्स, पानोरामिक मुनरुफ, ४८० लिटरको बुट स्पेस र १५.६ इन्चको सेन्ट्रल टचस्क्रिन उपलब्ध छ।
साहसिक यात्राका लागि लक्षित ‘जेइकु जे सिक्स टी’ मा २२५ एमएम ग्राउन्ड क्लियरेन्स, पानोरामिक सनरुफ, ६५.६९ किलोवाट आवर ब्याट्री, १३५ किलोवाट मोटर र ४३१ किलोमिटरसम्मको रेन्ज रहेको छ। गाडीहरू आधिकारिक डिलरशिपमा पुगिसकेकाले यसअघि बुकिङ गरेका ग्राहकले तत्काल गाडी पाउनेछन् भने नयाँ ग्राहकले नजिकको शोरुममा पुगेर टेस्ट ड्राइभ तथा बुकिङ गर्न सक्नेछन्।
