काठमाडौं। सरकारले नेपाल विद्युत प्राधिकरणको कार्यकारी निर्देशक पदमा दीर्घायूकुमार श्रेष्ठलाई नियुक्त गरेको छ। आज बसेको मन्त्रिपरिषद्को बैठकले उनलाई सो जिम्मेवारी दिने निर्णय गरेको हो।
श्रेष्ठ यसअघि प्राधिकरणको वितरण तथा ग्राहक सेवा निर्देशनालयमा उपकार्यकारी निर्देशक तथा कामु कार्यकारी निर्देशकको भूमिकामा कार्यरत थिए।
सरकारले सार्वजनिक पदाधिकारीको पदमुक्तिसम्बन्धी विशेष व्यवस्था अध्यादेश २०८३ जारी गरेपछि प्राधिकरणका तत्कालीन कार्यकारी निर्देशक हितेन्द्र देव शाक्य पदमुक्त भएका थिए। शाक्यको बहिर्गमनसँगै सो पद रिक्त रहेको थियो।
