काठमाडौं। कामना सेवा विकास बैंकले ललितपुरको कुमारीपाटी-जावलाखेल क्षेत्रमा पाँचवटा प्रतीक्षा बेन्च स्थापना गरेको छ। बैंकले कुमारीपाटी-जावलाखेल व्यापार संघसँगको सहकार्यमा सर्वसाधारण तथा यात्रुहरूको सुविधाका लागि ती बेन्चहरू राखेको जनाएको छ।
एक कार्यक्रमका बीच बेन्चहरूको हस्तान्तरण गरिएको हो। उक्त कार्यक्रम बैंकका काठमाडौं प्रदेश प्रमुख केदारनाथ शर्माको अध्यक्षता र कुमारीपाटी-जावलाखेल व्यापार संघका अध्यक्ष वीरेन्द्र शाक्यको प्रमुख आतिथ्यमा सम्पन्न भएको थियो।
कार्यक्रममा व्यापार संघका अध्यक्ष शाक्यले सार्वजनिक स्थलमा प्रतीक्षा बेन्च स्थापना गरेकोमा बैंकलाई धन्यवाद दिए। उनले यस कार्यबाट स्थानीय बासिन्दा र यात्रुहरूलाई प्रत्यक्ष सुविधा पुग्ने विश्वास व्यक्त गरे।
बैंकका काठमाडौं प्रदेश प्रमुख शर्माले स्थानीय समुदायको आवश्यकता र सुविधालाई प्राथमिकतामा राखेर आगामी दिनमा पनि सामाजिक उत्तरदायित्वका कार्यक्रमहरूलाई निरन्तरता दिइने प्रतिबद्धता जनाए। कार्यक्रममा बैंकका कर्मचारीहरू र व्यापार संघका प्रतिनिधिहरूको उपस्थिति रहेको थियो।
