काठमाडौं: सरकारले भारी वर्षाको सम्भावनालाई मध्यनजर गर्दै बीपी राजमार्गको निर्माणाधीन ट्र्याकको काम केही दिनका लागि स्थगित गर्ने तयारी गरेको छ।
पूर्वाधार विकासमन्त्री सुनील लम्सालले मौसम पूर्वानुमानलाई ध्यानमा राख्दै काम रोक्ने निर्णय गरिएको जानकारी दिए। ‘सम्भावित वर्षा, पहिरो तथा सडकमा आउन सक्ने चुनौतीलाई मध्यनजर गर्दै निर्माण कार्य केही दिन स्थगित गर्ने तयारी गरिएको हो,’ उनले भने।
यो निर्णयले सडकमा हुने सम्भावित जोखिम न्यूनीकरण गर्दै यातायात सञ्चालनलाई सुरक्षित र सहज बनाउन मद्दत पुग्ने अपेक्षा गरिएको मन्त्री लम्सालले बताए। उनले सम्भावित जोखिमलाई ध्यानमा राख्दै यात्राका क्रममा सतर्कता अपनाउन र अनावश्यक जोखिम नलिने प्रयास गर्न सर्वसाधारणलाई आग्रह गरेका छन्।
