काठमाडौं। नेपालका लागि बजाज मोटरसाइकलको आधिकारिक वितरक हंसराज हुलासचन्द एन्ड कम्पनीले यस वर्षको दशैं लक्षित गरी ‘बजाज गेम अफ पावर – खेल्ने हो?’ अभियान सार्वजनिक गरेको छ। यस अभियानमार्फत ग्राहकले मोटरसाइकल खरिदसँगै विभिन्न पुरस्कार तथा विशेष अनुभव प्राप्त गर्न सक्ने कम्पनीले जनाएको छ।
अभियानअन्तर्गत बजाज मोटरसाइकल खरिद गर्ने ग्राहकले रु. १ लाखसम्मको नगद पुरस्कार जित्न सक्नेछन्। साथै, स्मार्ट घडी र विशेष उपहारहरू प्राप्त गर्ने अवसर पनि रहेको छ। कम्पनीका अनुसार अभियानको मुख्य आकर्षणमा रविन्द्र ढाँट, सन्जन गौतम र दीपेन्द्र सिंह ऐरीसँग भेटघाट गर्ने अवसर समावेश छ। छनोटमा परेका विजेताले यी च्याम्पियनहरूसँग प्रत्यक्ष भेट्न पाउनेछन्।
कम्पनीले डिजिटल माध्यमलाई प्राथमिकता दिँदै ‘पल्सर रेसिङ गेम’ पनि सार्वजनिक गरेको छ। सहभागीहरूले आफूलाई मनपर्ने च्याम्पियनको पात्र छनोट गरी डिजिटल ट्र्याकमा प्रतिस्पर्धा गर्न सक्नेछन्। उत्कृष्ट प्रदर्शन गर्ने सहभागीले हस्ताक्षरित टी-सर्ट र अन्य सामग्री जित्न सक्नेछन्। यसबाहेक, ‘शो योर पावर’ च्यालेन्जमार्फत राइडरहरूले आफ्नो फिटनेस र पल्सरप्रतिको लगाव प्रस्तुत गरी च्याम्पियनसँग भेट्ने अवसर पाउनेछन्।
गोल्छा ग्रुपका निर्देशक अभिमन्यु गोल्छाले दशैंको अवसरमा ग्राहकलाई नयाँ अनुभव प्रदान गर्ने उद्देश्यले यो अभियान ल्याइएको बताए। उनले भने, ‘पुरस्कारदेखि डिजिटल रेस र च्याम्पियनसँगको भेटसम्म, यस अभियानले ग्राहकलाई सहभागी हुँदै आफ्नो पावर देखाउने अवसर दिनेछ।’ युवा वर्गलाई लक्षित गरी ल्याइएको यस अभियानले ग्राहक र कम्पनीबीचको सम्बन्ध थप प्रगाढ बनाउने अपेक्षा गरिएको छ।
