काठमाडौं. हिमालयन बैंक लिमिटेड र स्मार्ट च्वाइस टेक्नोलोजीज लिमिटेड (एससीटी) बीच स्मार्टपे आईबीएफटी सेवा सञ्चालन तथा सहकार्यसम्बन्धी सम्झौता भएको छ। यस सम्झौतासँगै हिमालयन बैंकले एससीटीको स्मार्टपे नेटवर्कमा आबद्ध भई अन्तरबैंक रकम स्थानान्तरण सेवा सञ्चालन गर्नेछ।
बैंकका अनुसार यस सेवाले ग्राहकहरूलाई विभिन्न बैंक तथा वित्तीय संस्थाहरूका खाताबीच सहज, सुरक्षित र प्रभावकारी रूपमा रकम आदानप्रदान गर्न थप सुविधा प्रदान गर्नेछ। एससीटीद्वारा विकास गरिएको स्मार्टपे आईबीएफटीले सहभागी बैंक, वित्तीय संस्था, वालेट तथा रेमिट्यान्स कम्पनीहरूबिच डिजिटल माध्यमबाट रकम स्थानान्तरणलाई सहजीकरण गर्दै आएको छ।
विभिन्न क्षेत्रबीच अन्तरआबद्धता कायम गर्दै नेपालको डिजिटल भुक्तानी प्रणालीलाई थप सुदृढ बनाउन तथा वित्तीय पहुँचको अभिवृद्धि गर्न यो सेवाले सहयोग पुर्याउने अपेक्षा गरिएको छ।
