काठमाडौं । रिद्धिसिद्धि र सौर्य सिमेन्टले भोटेकोसी बाढी प्रभावितका लागि प्रधानमन्त्री दैवी प्रकोप उद्धार कोषमा १ करोड १ लाख रुपैयाँ सहयोग गरेका छन् ।
रिद्धिसिद्धि र सौर्य सिमेन्टले क्रमशः ५० लाख र ५१ लाख रुपैयाँ सहयोग गरेका हुन् । रिद्धिसिद्धि सिमेन्टका अध्यक्ष हरि न्यौपानेले मंगलबार अर्थमन्त्री डा. स्वर्णिम वाग्लेलाई एक करोड एक लाख बराबरको चेक हस्तान्तरण गरे ।
अध्यक्ष न्यौपानेले मुलुकमा विपत्तिले ठूलो संकट पारेको बताउँदै त्यो विपत्तिमा निजी क्षेत्रबाट साथ दिनका लागि सरकारलाई सहयोग गरेको जानकारी दिएका छन् ।
