काठमाडौं। राष्ट्रपति रामचन्द्र पौडेलले यस वर्षको दसैँको अवसरमा शुभसाइतमा टीका, प्रसाद र जमरा ग्रहण गरेका छन्।
बुधबार बिहान राष्ट्रपति भवन शीतल निवासमा गुरु पुरोहितबाट टीका र जमरा ग्रहण गरेका हुन्।
नेपाल पञ्चाङ्ग निर्णायक विकास समितिले दिएको शुभसाइत अनुसार बिहान १० बजेर २६ मिनेटमा राष्ट्रपति पौडेलले टीका र प्रसाद ग्रहण गरेका हुन्।
राष्ट्रपति पौडेलले आफूले टीका ग्रहण गरेपछि प्रथम महिला सविता पौडेलसहित परिवारका सदस्यहरूलाई पनि टीका र जमरा लगाइदिएका छन्। राष्ट्रपतिको स्वकीय सचिवालयले यसको जानकारी दिएको हो।
