काठमाडौँ। नेपाली बजारमा सुनचाँदीको मूल्यमा भारी वृद्धि भएको छ।
नेपाल सुनचाँदी व्यवसायी महासंघका अनुसार आज बिहीबार सुनको मूल्य प्रतितोलामा ९ हजार ३ सय रुपैयाँले बढेर ३ लाख १३ हजार ४ सय रुपैयाँ निर्धारण भएको छ। अघिल्लो दिन बुधबार सुनको मूल्य प्रतितोला ३ लाख ४ हजार १ सय रुपैयाँमा कारोबार भएको थियो।
त्यस्तै, चाँदीको मूल्यमा पनि बढेको छ। महासंघका अनुसार आज चाँदीको मूल्य प्रतितोलामा २६० रुपैयाँले बढेर ४ हजार ८ सय ५५ रुपैयाँमा कारोबार भइरहेको छ। अघिल्लो दिन बुधबार चाँदीको मूल्य प्रतितोला ४ हजार ५ सय ९५ रुपैयाँ रहेको थियो।
