काठमाडौं। सेयर बजारमा सोमबार सुधार देखिएको छ। नेपाल स्टक एक्सचेन्ज (नेप्से) परिसूचक १८.०७ अंकले बढेर २५६०.८४ विन्दुमा कायम भएको छ।
दिनभरिमा ३ अर्ब ८३ करोड रुपैयाँ बराबरको सेयर कारोबार भएको छ। बजारमा कुल १९५ वटा कम्पनीको सेयर मूल्य बढेको छ भने ७९ वटाको घटेको छ। ४ वटा कम्पनीको सेयर मूल्य भने स्थिर रहेको छ।
सोमबारको कारोबारमा प्योर इनर्जीको सेयर मूल्य १५ प्रतिशतले बढेको छ भने अन्य कम्पनीको मूल्य ७.३५ प्रतिशतसम्म वृद्धि भएको छ। यता, इमर्जी नेपाल लिमिटेड र सिन्धु विकास बैंकको सेयर मूल्य १५ प्रतिशतले घटेको छ। त्यस्तै, जानकी फाइनान्सको १४.९९ प्रतिशत र अपर लोहोरे खोला हाइड्रोको १३.३३ प्रतिशतले मूल्य घटेको छ।
कारोबार रकमका आधारमा रिलायन्स स्पिनिङ मिल्स शीर्ष स्थानमा रहेको छ। कम्पनीको २५ करोड रुपैयाँ बराबरको सेयर कारोबार भएको छ।
