काठमाडाैं। इन्टरनेट सेवा प्रदायक कम्पनी क्लासिकटेकले नयाँ ग्राहकका लागि १२५ एमबीपीएस गतिको इन्टरनेट योजना सार्वजनिक गरेको छ। कम्पनीले यसअघि उपलब्ध गराउँदै आएको १०० एमबीपीएसको योजनालाई अपग्रेड गर्दै नयाँ जडान गर्ने ग्राहकलाई मासिक ५५३ रुपैयाँमै १२५ एमबीपीएस इन्टरनेट उपलब्ध गराउने जनाएको हो।

कम्पनीका अनुसार नयाँ ग्राहकले पुरानै मूल्यमा थप २५ एमबीपीएस गतिको इन्टरनेट प्रयोग गर्न पाउनेछन्। यस योजनासँगै ग्राहकले वाइफाइ सिक्स (Wi-Fi 6) राउटरको सुविधा पनि प्राप्त गर्नेछन्। क्लासिकटेकले सन् २०२१ देखि नै आफ्ना ग्राहकलाई वाइफाइ सिक्स प्रविधिसहितको राउटर उपलब्ध गराउँदै आएको छ। उच्च गतिको इन्टरनेटसँगै आधुनिक वाइफाइ प्रविधिको सुविधा दिने उद्देश्यले यो नयाँ योजना ल्याइएको कम्पनीले जनाएको छ।