काठमाडौं। श्रीलंकाले नेपालका बाढी प्रभावितका लागि घोषणा गरेको १० लाख अमेरिकी डलर आर्थिक सहयोग हस्तान्तरण गरेको छ। नेपालका लागि श्रीलंकाली राजदूत रुवान्थी देलपिटियाले बुधबार परराष्ट्र मन्त्रालयमा आयोजित भेटका क्रममा परराष्ट्रमन्त्री शिशिर खनाललाई सो रकम हस्तान्तरण गरेकी हुन्।
भेटका अवसरमा राजदूत देलपिटियाले नेपालमा बाढीका कारण भएको जनधनको ठूलो क्षतिप्रति दुःख व्यक्त गरिन्। परराष्ट्रमन्त्री खनालले सहयोगका लागि श्रीलंकाली सरकार र जनताप्रति आभार प्रकट गरे। उनले यो सहयोगले नेपाल र श्रीलंकाबीचको गहिरो मित्रता र द्विपक्षीय सहकार्यलाई थप बलियो बनाएको बताएका छन्।
