काठमाडौँ। नख्खु कारागारमा रहेका कैदीबन्दीहरूले रसुवामा आएको बाढीबाट प्रभावित नागरिकको सहयोगका लागि प्रधानमन्त्री राहत कोषमा २ लाख १ हजार १ सय १५ रुपैयाँ सहयोग गरेका छन्।
बाढीपीडितको राहत तथा उद्धार कार्यमा सहयोग पुर्याउने उद्देश्यले कैदीबन्दीहरूले आफ्नै तर्फबाट उक्त रकम संकलन गरी प्रधानमन्त्री राहत कोषमा जम्मा गरेका हुन्। बाढी र प्राकृतिक विपत्बाट प्रभावित परिवारको राहतमा सो रकम उपयोग होस् भन्ने उद्देश्यले सहयोग गरिएको कैदीबन्दीहरूले बताएका छन्। विभिन्न क्षेत्रबाट बाढी प्रभावितका लागि सहयोग जुटिरहेका बेला कैदीबन्दीहरूको यो कार्य मानवीय सेवाको एक उदाहरण बनेको छ।
