काठमाडौं। सर्वोच्च अदालतले उद्योगी शंकरलाल अग्रवाललाई १० लाख रुपैयाँ धरौटीमा रिहा गर्न आदेश दिएको छ।
न्यायाधीशहरू बालकृष्ण ढकाल र नृपध्वज निरौलाको संयुक्त इजलासले उच्च अदालत पाटनको अग्रवाललाई थुनामा राखेर मुद्दा पुर्पक्ष गर्ने आदेश बदर गर्दै धरौटीमा रिहा गर्न आदेश दिएको हो।
बैंकिङ कसुर मुद्दामा पक्राउ परेका अग्रवाललाई यसअघि उच्च अदालत पाटनले पुर्पक्षका लागि थुनामा पठाउने आदेश गरेको थियो। उक्त आदेशविरुद्ध अग्रवाल सर्वोच्च अदालत पुगेका थिए।
सर्वोच्चले उपलब्ध मिसिल तथा कागजात र प्रतिवादी पक्षबाट प्रस्तुत जिकिरसमेत विचार गरी १० लाख रुपैयाँ धरौटी लिएर मुद्दाको पुर्पक्ष गर्न आदेश दिएको हो।
अग्रवालले १० लाख रुपैयाँ नगद धरौटी वा सो बराबरको बैंक जमानत बुझाएपछि रिहा भएका छन्। उनी शंकर ग्रुपका अध्यक्ष हुन्।
