काठमाडौं। भारतले नेपाललाई थप ११ टन अत्यावश्यक राहत सामग्री हस्तान्तरण गरेको छ।
भारतबाट पठाइएको सामग्रीमा औषधि, फरेन्सिक सामग्री, टेन्ट, सरसफाइका सामग्री र स्लिपिङ ब्याग लगायतका सामग्री रहेका छन्।
भारतले नेपालमा विपद्पछिको राहत तथा पुनरुत्थानमा सहयोग जारी राख्ने जनाएको छ। भारतले नेपालसँगको सहकार्यलाई निरन्तरता दिँदै पुनरुत्थानका प्रयासमा सहयोग पुर्याउन प्रतिबद्ध रहेको उल्लेख गरेको छ।
भारतको परराष्ट्र मन्त्रालय, प्रेस इन्फर्मेसन ब्युरो (पीआईबी) र डीडी न्युजले पनि राहत सामग्री नेपाल आइपुगेको जानकारी सार्वजनिक गरेका छन्।
