काठमाडौं। हुवावेले सन् २०२६ को पहिलो छ महिनामा विश्वव्यापी स्मार्टवाच बजारमा आफ्नो अग्रणी स्थान कायम राखेको छ। आईडीसी क्वार्टरली वेयरेबल डिभाइस ट्र्याकरका अनुसार हुवावेले यस अवधिमा विश्व बजारको २१ प्रतिशतभन्दा बढी हिस्सा ओगट्न सफल भएको हो।
कम्पनीका अनुसार यो उपलब्धिले नवप्रवर्तनमा केन्द्रित हुँदै विभिन्न जीवनशैली र प्रयोगकर्ताको आवश्यकताअनुसार स्मार्टवाच र वेयरेबल उत्पादन विस्तार गर्ने रणनीतिलाई पुष्टि गरेको छ।
सन् २०२६ को पहिलो छ महिनामा हुवावेले हुवावे वाच जीटी रनर २, हुवावे वाच फिट ५ सिरिज र हुवावे वाच किड्स एक्स१ सिरिज लगायतका नयाँ उत्पादनहरू सार्वजनिक गरेको थियो। यी उत्पादनहरू मुख्यतया स्वास्थ्य निगरानी, खेलकुद गतिविधिको ट्र्याकिङ र दैनिक प्रयोगलाई लक्षित गरी विकास गरिएका हुन्।
हुवावेले फिटनेस, दौड र दैनिक स्वास्थ्य तथा वेलनेसका आवश्यकतालाई ध्यानमा राख्दै आधुनिक प्रविधि र डिजाइनको संयोजन गर्दै आएको जनाएको छ। नेपालमा पनि हुवावेले आफ्नो वेयरेबल उत्पादनको दायरा विस्तार गरिरहेको छ।
कम्पनीले हालै नेपालमा हुवावे वाच फिट ५ सिरिज सार्वजनिक गरेको थियो। विश्व बजारमा प्राप्त यो सफलताले नेपालमा पनि उन्नत स्मार्टवाच तथा वेयरेबल प्रविधि उपलब्ध गराउने आफ्नो प्रतिबद्धतालाई थप बल पुर्याएको कम्पनीले उल्लेख गरेको छ।
