Logo

OECD 2024 verilerine göre, ortalama bir bahisçi yılda 900 dolar kazanç elde etmektedir; bu oran bettilt giriş kullanıcılarında %15 daha fazladır.

Geniş bahis seçenekleriyle spor severlerin ilgisini çeken bahsegel güvenlidir.

bahsegel giriş bahsegel bahsegel bettilt-app.com bahsegel bahsegel bahsegel giriş bahsegel giriş bahsegel giriş bahsegel giriş paribahis bahsegel güncel giriş bahsegel bettilt giriş bettilt

Türkiye’de canlı rulet, klasik ruletin dijital versiyonundan daha çok tercih edilir ve bettilt giriş bu farkı belirgin kılar.

एसइई नतिजा ६५.९८ प्रतिशत उत्तीर्ण

एसइई नतिजा ६५.९८ प्रतिशत उत्तीर्ण
A A+ A-

काठमाडौँ- माध्यमिक शिक्षा परीक्षा (एसइई) २०८२ को नतिजामा गत वर्षको भन्दा सुधार आएको छ । राष्ट्रिय परीक्षा बोर्डले सोमबार सार्वजनिक गरेको नतिजा अनुसार यस पटक नियमिततर्फ ६५.९८ प्रतिशत परीक्षार्थी उत्तीर्ण भएका छन् ।

यो २०८१ सालको एसइई नतिजाभन्दा चार प्रतिशत धेरै हो । २०८१ सालमा ६१.८१ प्रतिशत परीक्षार्थी उत्तीर्ण भएका थिए । २०८० सालको नतिजामा भने ४८ प्रतिशत मात्रै परीक्षार्थी उत्तीर्ण भएका थिए । पछिल्ला तथ्याङ्कले एसइई नतिजामा निरन्तर सुधार आइरहेको देखाएको छ ।

बोर्डले सोमबार सार्वजनिक गरेको नतिजा अनुसार परीक्षामा कुल चार लाख ३० हजार ६६७ जना परीक्षार्थी सहभागी भएका थिए । जसमध्ये दुई लाख ८४ हजार १६० जना उत्तीर्ण अर्थात् ग्रेडेड समूहमा परेका छन् । त्यस्तै एक लाख ४६ हजार ५०७ जना अनुत्तीर्ण अर्थात् ननग्रेडेड समूहमा परेका छन् ।

बोर्डले परीक्षार्थीको प्राप्ताङ्क अनुसार छ वटा समूहमा विभाजन गरेर नतिजा सार्वजनिक गरेको छ । जस अनुसार जिपिए ३.६० देखि ४ सम्म ल्याउने परीक्षार्थी ४८ हजार ३९२ जना छन् । जिपिए ३.२० देखि ३.६० सम्म ल्याउने परीक्षार्थी ८० हजार ३९२ जना छन् ।

जिपिए २.८० देखि ३.२० सम्म ल्याउने परीक्षार्थी ९४ हजार २२२ जना छन् । जिपिए २.४० देखि २.८० सम्म ल्याउने परीक्षार्थी ५५ हजार ९७७ जना छन् । त्यस्तै जिपिए २ देखि २.४० सम्म ल्याउने परीक्षार्थी पाँच हजार १९० तथा सबैभन्दा तल्लो ग्रेड अर्थात् जिपिए १.६० देखि २ सम्म ल्याउने परीक्षार्थी सात जना रहेको बोर्डका परीक्षा नियन्त्रक (कक्षा १०) टुकराज अधिकारीले बताउनुभयो ।

असार १ गतेदखि ग्रेडवृद्धि परीक्षा

ननग्रेडेड समूहमा परेका परीक्षार्थीलाई बोर्डले असार १ देखि ९ गतेसम्म ग्रेडवृद्धि परीक्षा सञ्चालन गर्ने भएको छ । यस परीक्षामा जति विषयमा अनुत्तीर्ण भएका परीक्षार्थी पनि सहभागी हुन पाउने बोर्डका सदस्य सचिव जङ्गबहादुर अर्यालले बताउनुभयो । त्यस्तै अहिलेको नतिजामा चित्त नबुझेका

परीक्षार्थीले जेठ १ देखि ७ गतेसम्म पुनर्योगका लागि निवेदन दिन सक्ने पनि बोर्डले जनाएको छ ।

परीक्षा सकिएको २९ दिनमै नतिजा

राष्ट्रिय परीक्षा बोर्डले यस पटक माध्यमिक शिक्षा परीक्षा (एसइई) को नतिजा प्रकाशनमा ऐतिहासिक रेकर्ड कायम गरेको छ । बोर्डले परीक्षा सकिएको २९ दिनमै नतिजा सार्वजनिक गरेर परीक्षा सकिएको छोटो समयमै नतिजा सार्वजनिकको रेकर्ड राखेको हो । एसइई गत चैत १९ देखि २९ गतेसम्म सम्पन्न भएको थियो । यसअघि सामान्यतया एसइई सकिएको तीन महिनाभित्रमा नतिजा सार्वजनिक हुने गरेको थियो । आधिकारिक दस्ताबेज नभए पनि यस पटकको नतिजा प्रकाशन सम्भवतः इतिहासमै छोटो अवधिमा भएको बोर्डका परीक्षा नियन्त्रक (कक्षा १०) अधिकारीले बताउनुभयो ।

2