काठमाडौँ- मङ्गलबारको तुलनामा स्थानीय बजारमा आज सुनचाँदीको मूल्यमा सामान्य उतारचढाव आएको छ । सुन तोलामा  ७०० ले घटेको छ भने चाँदीको मोल भने  १५ ले बढेको छ ।

नेपाल सुनचाँदी व्यवसायी महासङ्घका अनुसार आज छापावाल सुनको मोल प्रतितोला रु तीन लाख २ हजार २०० र त्यति नै परिमाणको सेतो धातुको मूल्य ५ हजार ७१० कायम भएको छ । हिजो मङ्गलबार एक तोला छापावाल सुन ३ लाख दुई हजार ९०० र त्यति नै परिमाणको चाँदी ५ हजार ६९५ मा खरिदबिक्री भएको थियो ।

अन्तरराष्ट्रिय सञ्चारमाध्यमका अनुसार आज अन्तरराष्ट्रिय बजारमा एक औँस सुन चार हजार ७२५ र त्यति नै परिमाणको चाँदी ८७ अमेरिकी डलरमा कारोबार भइरहेको छ ।