Logo

OECD 2024 verilerine göre, ortalama bir bahisçi yılda 900 dolar kazanç elde etmektedir; bu oran bettilt giriş kullanıcılarında %15 daha fazladır.

Geniş bahis seçenekleriyle spor severlerin ilgisini çeken bahsegel güvenlidir.

bahsegel giriş bahsegel bahsegel bettilt-app.com bahsegel bahsegel bahsegel giriş bahsegel giriş bahsegel giriş bahsegel giriş paribahis bahsegel güncel giriş bahsegel bettilt giriş bettilt

Türkiye’de canlı rulet, klasik ruletin dijital versiyonundan daha çok tercih edilir ve bettilt giriş bu farkı belirgin kılar.

विज्ञापन क्षेत्रलाई पारदर्शी बनाउँछौ : सञ्चारमन्त्री

विज्ञापन क्षेत्रलाई पारदर्शी बनाउँछौ : सञ्चारमन्त्री
A A+ A-

काठमाडौँ- सूचना तथा सञ्चारमन्त्री डा. विक्रम तिमिल्सिनाले विज्ञापन क्षेत्रलाई स्वच्छ तथा पारदर्शी बनाई पूर्ण रूपमा नियामकीय दायराभित्र ल्याउन सरकार र निजी क्षेत्रबिच सहकार्यको आवश्यकता औँल्याउनुभएको छ ।

उहाँले विज्ञापन क्षेत्रलाई व्यवस्थित बनाउन विद्यमान ऐन, नियम तथा कानुनको प्रभावकारी कार्यान्वयनलाई सरकारले प्राथमिकता दिएको बताउनुभयो । विज्ञापन बोर्डको नियामकीय क्षमता थप सुदृढ बनाउन सरकारले आवश्यक पहल गर्ने बताउँदै उहाँले बोर्डलाई प्रभावकारी संस्थाका रूपमा विकास गरिने उल्लेख गर्नुभयो ।

नेपाल विज्ञापन सङ्घसँग सोमबार मन्त्रालयमा भएको छलफलमा मन्त्री तिमिल्सिनाले त्यस्तो बताउनुभएको हो । उहाँले विज्ञापन क्षेत्रको दुरुपयोग हुन नदिन सबै पक्ष जिम्मेवार हुनुपर्नेमा जोड दिनुभयो । उहाँले भन्नुभयो, “विज्ञापन क्षेत्रलाई स्वच्छ, स्वस्थ र पारदर्शी बनाउनु सबैको साझा दायित्व हो । गलत अभ्यास र दुरुपयोग हुन नदिन निजी क्षेत्रले पनि आफ्नो भूमिका प्रभावकारी रूपमा निर्वाह गर्नु पर्छ । नियामक निकायलाई पनि काम गर्न सक्दिनँ भन्ने छुट छैन ।”

उहाँले विगतमा सरकारी विज्ञापन वितरण प्रणालीमा ठुलो अनियमितता र अपारदर्शिता रहेकोमा सरकारले त्यसलाई सुधार्ने काम सुरु गरिसकेको उल्लेख गर्दै सही ढङ्गले व्यवसाय गरेर पनि नाफा आर्जन गर्न र सफलता हासिल गर्न सकिने विश्वास स्थापित गर्नुपर्नेमा जोड दिनुभयो । विज्ञापन क्षेत्रमा देखिएका चुनौती समाधान गर्न सबै पक्षले आत्मसमीक्षा गर्नुपर्ने बेला आएको बताउँदै सञ्चारमन्त्री डा. तिमिल्सिनाले यस क्षेत्रलाई नयाँ ऊर्जासाथ अगाडि बढाउन सरकारले राष्ट्रिय विज्ञापन नीति, २०८३ ल्याएको र यसलाई प्रभावकारी कार्यान्वयनमा जोड दिइने बताउनुभयो ।

नयाँ कानुन आउँदै

सञ्चारमन्त्री तिमिल्सिनाले समग्र सञ्चार क्षेत्रलाई स्वच्छ, पारदर्शी र जवाफदेही बनाउने उद्देश्यका साथ नयाँ कानुन ल्याउन लागेको र ती विधेयक बन्ने क्रममा रहेको जानकारी दिनुभयो । सञ्चार क्षेत्रका कमजोरीका कारण विज्ञापन बजार पनि प्रभावित भएको उल्लेख गर्दै उहाँले सञ्चार क्षेत्र सुधारका काम योजनाबद्ध र चरणबद्ध रूपमा अगाडि बढाइने बताउनुभयो ।

नेपाल विज्ञापन सङ्घका अध्यक्ष सुदीप थापाले पछिल्लो एक दशकमा नेपालको विज्ञापन बजारको स्वरूप उल्लेखनीय रूपमा परिवर्तन भए पनि अहिले विज्ञापन बजार अस्वस्थ प्रतिस्पर्धातर्फ उन्मुख भएको बताउनुभयो ।

चिनियाँ टोलीसँग छलफल

‘एभरेस्ट इन्टरनेसनल फिल्म फेस्टिभल’ का संस्थापक अध्यक्ष ली होङ्सुको नेतृत्वमा आएको चिनियाँ प्रतिनिधिमण्डलले सोमबार सञ्चारमन्त्री तिमिल्सिनासँग शिष्टाचार भेटवार्ता गरेको छ । भेटमा नेपाल–चीनबिच चलचित्र, संस्कृति र पर्यटन प्रवर्धनका क्षेत्रमा सहकार्य विस्तार गर्ने विषयमा छलफल भएको उहाँको सचिवालयले जनाएको छ ।

सो भेटका क्रममा सञ्चारमन्त्री तिमिल्सिनाले अन्तर्राष्ट्रिय चलचित्र महोत्सवले नेपाल र चीनबिचको सांस्कृतिक सम्बन्धलाई थप मजबुत बनाउने विश्वास व्यक्त गर्दै सरकारले यस्ता पहललाई आवश्यकता अनुसार सहयोग गर्न तयार रहेको बताउनुभयो ।

उहाँले चीन नेपालका लागि बढी पर्यटक भित्रिने मुलुकमध्ये एक रहेको उल्लेख गर्दै नेपाली प्राकृतिक सम्पदा, संस्कृति र पर्यटकीय गन्तव्यलाई अन्तर्राष्ट्रिय स्तरमा प्रवर्धन गर्न चलचित्र प्रभावकारी माध्यम बन्न सक्ने बताउनुभयो । नेपाली चलचित्रलाई विश्व बजारमा पु¥याउन तथा अन्तर्राष्ट्रिय पहुँच विस्तार गर्न सरकारले आवश्यक सहयोग गर्ने प्रतिबद्धता पनि उहाँले व्यक्त गर्नुभयो ।

चिनियाँ प्रतिनिधिमण्डलका नेता तथा एभरेस्ट इन्टरनेसनल फिल्म फेस्टिभलका संस्थापक अध्यक्ष लीले नेपाल चीनको घनिष्ठ मित्र राष्ट्र भएको उल्लेख गर्दै नेपाल प्राकृतिक सौन्दर्य, सांस्कृतिक विविधता र चलचित्र छायाङ्कनका लागि उत्कृष्ट गन्तव्य रहेको बताउनुभयो । चलचित्र विकास बोर्डका अध्यक्ष दिनेशराज दाहालले ‘एभरेस्ट इन्टरनेसनल फिल्म फेस्टिभल’ नेपाल र चीनबिच चलचित्र तथा सांस्कृतिक सम्बन्धलाई थप सुदृढ बनाउने उद्देश्यले सञ्चालन गरिएको द्विपक्षीय पहल भएको बताउनुभयो ।

सन् २०२६ अप्रिल १४ देखि १९ तारिखसम्म चीनको हुनान प्रान्तस्थित चाङ्सा र हेङयाङ सहरमा आयोजना गरिएको महोत्सव नेपाल–चीन कूटनीतिक सम्बन्ध स्थापना भएको ७१ औँ वर्षको अवसरमा सम्पन्न भएको थियो । महोत्सवका लागि नेपालबाट २३ वटा चलचित्र आवेदन परेकामा ११ वटा चलचित्र प्रारम्भिक छनोटमा परेका थिए ।

2