काठमाडौं। एनएमबि बैंकका कर्मचारी र ग्राहकले हिल्टन काठमाडौंमा छुट पाउने भएका छन्। बैंकले हिल्टनसँग छुटसम्बन्धी सम्झौता गरेको जनाएको छ।
सम्झौताअनुसार एनएमबि बैंकका ग्राहकले हिल्टन काठमाडौंमा बैंकको कार्ड (डेबिट, क्रेडिट, प्लाटिनम क्रेडिट कार्ड) र मोबाइल बैंकिङबाट रकम भुक्तानी गर्दा १५ प्रतिशतसम्मको छुट पाउने छन्।
यो सहकार्यबाट बैंकका ग्राहकहरू लाभान्वित हुनुका साथै नगद कारोबारबाट डिजिटल कारोबारको यात्रामा उत्प्रेरित हुने विश्वास बैंकले लिएको छ।
बैंकले डिजिटल बैंकिङ माध्यमहरूको प्रयोग र ग्राहकलाई डिजिटल माध्यमबाट भुक्तानी गर्नलाई प्रोत्साहन गर्न समय-समयमा यस्ता ग्राहकमैत्री दीगो सुविधाहरू ल्याउँदै आएको जनाएको छ।
