काठमाडौँ- नेपाल निर्माण व्यवसायी महासङ्घका अध्यक्ष रवि सिंहले आगामी आर्थिक वर्षको बजेटले कुनै एउटा समूहलाई आर्थिक लाभ दिने काम नगरेको स्पष्ट पार्नुभएको छ ।
शनिबार काठमाडौँमा नेपाल आर्थिक पत्रकार सङ्घ (नाफिज) ले आयोजना गरेको पोस्ट बजेट छलफलमा बोल्नुहुँदै उहाँले यस्तो बताउनुभएको हो ।
उहाँले आगामी आर्थिक वर्षको बजेटले कुनै एउटा समुदाय र समूहलाई आर्थिक लाभ दिने काम नगरेको बताउनु भयो । बजेटमा हरेक क्षेत्रलाई समेट्ने कोसिस गरेको बताउनुभयो । निर्माण क्षेत्रमा भने सोचेअनुसार समेट्न नसकेको बताउनुभयो ।
अध्यक्ष सिंहले भन्नुभयो, ‘‘आगामी आर्थिक वर्षको बजेटलै कुनै एउटा समुदायलाई, कुनै एउटा समूहलाई आर्थिक लाभ दिने काम गरेको छैन । बजेटमा हरेक क्षेत्रलाई समेट्ने कोसिस गरेको छ । निर्माण क्षेत्रलाई पनि समेट्ने कोसिस गर्दै गर्दा नीति तथा कार्यक्रम आउँदा जति उत्साहित थियौँ, निर्माण क्षेत्रमा रहेका समस्या राज्यले पहिचान गरिसकेको छ, यसलाई सम्बोधन गर्नेकुरा राज्यले प्राथमिकतामा राखेको छ भन्नेकुरा सोचेका थियौँ, बजेटबाट ति समस्या सम्बोधन गरिन्छ भन्ने थियो । केही कुराहरू समावेश भएका छन् ।’’
अध्यक्ष सिंहले सरकारले निर्माण क्षेत्रमा भएका समस्या समाधान गर्नेकुरामा निर्माण व्यवसायीहरूले दिएका सुझावहरू समेट्न नसकेको जानकारी दिनुभयो । रुग्ण योजनाहरू सम्बोधन गर्न बजेटमै नेपालको कर्मचारीहरूलाई सहज गरिदिनुपर्ने आवश्यकता रहेको बताउनुभयो ।
