काठमाडौं। प्रधानमन्त्री वालेन्द्र शाहले मुलुकको आर्थिक अवस्था र निजी क्षेत्रका समस्याबारे छलफल गर्न उद्यमी तथा व्यवसायीहरूसँग भेटवार्ता गरेका छन्।
प्रधानमन्त्री तथा मन्त्रिपरिषद्को कार्यालयमा जारी छलफलमा उद्योगी तथा व्यवसायी विनोद चौधरी, पवन गोल्यान, उमेश श्रेष्ठ र चन्द्र ढकाल सहभागी रहेको प्रधानमन्त्रीको कार्यालयले जनाएको छ।
छलफलका क्रममा मुलुकको वर्तमान आर्थिक अवस्था, उद्योग-व्यवसाय सञ्चालनमा निजी क्षेत्रले भोगिरहेका समस्या, लगानीको वातावरण र रोजगारी सिर्जनाका विषयमा कुराकानी भएको छ। साथै, आर्थिक गतिविधिलाई थप चलायमान बनाउने उपायबारे पनि छलफल केन्द्रित रहेको कार्यालयले जनाएको छ।
सरकार र निजी क्षेत्रबीचको सहकार्यलाई थप प्रभावकारी बनाउँदै अर्थतन्त्रमा देखिएका चुनौती समाधान गर्ने विषयमा छलफल भएको छ। यसका साथै लगानी तथा व्यवसाय विस्तारका लागि अनुकूल वातावरण निर्माण गर्ने विषयमा पनि प्रधानमन्त्री र व्यवसायीबीच छलफल भएको छ।
