काठमाडौं। इन्टरनेट सेवा प्रदायक कम्पनी क्लासिक टेकले साना तथा मझौला व्यवसाय (एसएमई) र स्टार्टअपहरूलाई लक्षित गर्दै एसएमई प्रो म्याक्स इन्टरनेट प्याकेज सार्वजनिक गरेको छ। कम्पनीका अनुसार पछिल्लो पाँच वर्षभित्र स्थापना भएका स्टार्टअपहरूले यस प्याकेजमार्फत विशेष सुविधा प्राप्त गर्नेछन्।
यस प्याकेजअन्तर्गत स्टार्टअपहरूले १ जीबीपीएस इन्टरनेट स्पिड, १ टीबी डाटा र पब्लिक आईपी सेवामा ४० प्रतिशतसम्म छुट पाउनेछन्। साथै, ग्राहकले वाई फाई सिक्स राउटर निःशुल्क प्राप्त गर्नेछन्। यसका अतिरिक्त कम्पनीले फ्री सर्वे, इन्स्टलेसन र सेटअप सेवा पनि प्रदान गर्ने जनाएको छ।
नयाँ तथा विस्तारको चरणमा रहेका व्यवसायलाई भरपर्दो, उच्च गतिको र किफायती नेटवर्क समाधान उपलब्ध गराउने उद्देश्यले यो प्याकेज ल्याइएको कम्पनीले जनाएको छ। यस प्याकेजसम्बन्धी थप जानकारी तथा सदस्यताका लागि ९८०२६२२३०३ मा सम्पर्क गर्न वा [email protected] मा इमेल गर्न सकिनेछ। कम्पनीले यसमा शर्तहरू लागू हुने जनाएको छ।
